Cebuana hataw sa Hong Kong

Ang Cebuana nga si Rio Caparida, anak sa mga negosyanteng Larry ug Nening Caparida, nga kanhi sakop sa mga batan-ong grupo nga gitawag og Anak-Sugbo, mihataw na pag-ayo didto sa Hong Kong.

Niadtong tuig 2000 napili si Rio nga usa sa Five Cebu's Prettiest diha sa Marriott Hotel nahimong usa sa mga hosts sa Sabado Na Gyod sa ABS-CBN kay natintal man gyod sa dako kaayong sweldo didto sa Hong Kong, nananghid sa ABS-CBN ug giingnan siya sa ABS-CBN nga kon dili siya makauyon didto, makabalik siya bisa'g unsang orasa sa ABS-CBN. Apan miabot na og upat ka tuig si Rio didto, inilog sa daghang mga entertainment circuit ug kanunay'ng ma-feature sa mga dagkong mga magazine sa Hong Kong.

Sa October 14 nga issue sa PIMP My City, usa ka iladong magazine sa Hong Kong, pahina 23, full page ang nagkanayon, "The Great Saturday-Sunday Session" uban kang Rio ug sa "The Rio Trio" matud pa, inilog si Rio kay makamaong moiningles, maayong motinagalog ug makabinisaya ug ininsek.