Diin dul-an sa 80 ka kandidata gikan sa nagkalain-laing nasud ang nagsangka para makuha ang nahisgutang korona.
Si Amell Santana 19, Miss Dominican Republic ang nakoronahang Miss Earth-Air, si Miss Serbia ug Montenegro Jovana Marjanovic, 18, maoy nakoronahang Miss Earth-Fire ug si Katrina Borowics, 20, maoy napiling Miss Earth-Water.
Ang maong upat ka kandidata gipangutana diin gipapili kini kung unsa nga elemento ang ilahang angayang i-save sa Mother Earth "tubig ba o hangin" ug unsay rason nga mao man kini ang ilang gipili.
Si Braun mipili sa hangin tungod kay nag tanang mga binuhat nagkinahanglan og hangin para kini moginhawa ug mabuhi diin miingon usab siya nga ang tubig crucial usab kini para sa pagpakabuhi.
Si Miss Dominican mipili sa hangin ug tubig tungod kay matud pa niya pareho kini nga gikinahanglan.
Si Miss Poland parehas ug tubag ni Miss Dominican diin walay gipili sa hangin ug tubig.
Si Miss Serbia ug Montenegro tubig ang gipili diin ang tubig gikinahanglan kuno para ang tanan mo-survive.
Si Miss Earth 2004 Priscilla Merelles maoy unang mi-congratulate sa bag-ong Miss Earth 2005.
Si Braun nakadawat og $20,000.00 nga salaping premyo gikan sa Carousel Productions Incorporated.
Si Miss Earth-Air ug Water nakadawat og $2,000.00 matag usa kanila.