Pop star Britney Spears, mommy na

Lalaki ang unang anak sa sikat nga pop star nga si Britney Spears diin gikataho nga gipaubos siya sa ceasarean operation gumikan sa kadako sa bata.

Si Britney nanganak didto sa UCLA medical center sa Santa Monica Los Angeles California niadtong Miyerkules sigun pa sa taho gikan sa internet.

Apan ang tigpamababa ni Britney wala pa nitino sa nahisgutang taho apan ang giingong pagpanganak sa pop star mao na karon ang huhungihong sa entertainment circles sa Amerika.

Ang maong bata maoy unang anak ni Britney sa iyang bana nga si Kevin Federline kanhi back-up dancer kinsa nagpakasal sa pop star sa nakalabay nga tuig.

Sukad siya maminyo si Britney nibiya na sa iyang manager og nipadayag nga gusto na siyang manimuyo nga malinawon sa iyang mansion sa California coast.