Mga tiguwang wala diay makagusto sa modern 'Darna'

Gidali dali ug wa magkadimao ang pipila ka mga episode sa "Darna," matud pa sa usa ka tigbalita, kay milarga sila si Angel Locsin ug usa sa mga director niini nga si Eric Quizon, busa wa na kono magkasinabot sila si Eric ug ang lain pang director nga si Dominic Zapata ug dili na gani kono magtinabangay ang duha ka director (nagbiyanot na).

Sa laing bahin, kadaghanan sa mga senior citizens nga nakakita sa original nga "Darna" nga gibitoonan ni Rosa del Rosario nga mao gyod kono'y labing maayong Darna gawas nga usa sa labing buotang artista (half American), wa makagusto sa "Darna" ni Angel Locsin nga nahigugma na.

Matud pa sa mga senior citizens, ambot wa ba kaha makahunahuna og bangon gikan sa iyang lubnganan si Mars Ravelo niining "Darna" ni Angel Locsin, labi na kay usa sa original nga character ang ilang gipatay, si Ding.

Unsa kahay sala ni CJ Muere nga gipatay man ang iyang character ug kon nakasala man, gipangitaan lang gyod kono unta og paagi nga mawagtang, dili patyon.