Katumanan sa mga damgo

"Dream, believe, survive..." Mao ang motto sa Starstruck contenders. Sa mga business dealers sa First Quadrant nga mga agressive gyod kaayo nga gusto gyong ma milyonaryo dayon sama nilang Mam Elsie, Sir Leo ug Mam Joy de Leon, Renel Dabalos, Rudy Dabalos, Roger Dabalos, Bryan ug Makki Baguyod, Gary Norman, ug uban pa, ang ilang motto pod, "Dream..Attitude, Believe...First Quadrant."

"Dream...Discipline..." usab ang motto sa mga sakop sa Purefoods-Hotdog PBA Players, matud nila, kay kon wa pa sila mangandoy nga maapil gyod sila sa PBA ug dili hugot ang ilang pangandoy, mahisama pod unta kuno sila sa ubang maayo lang moduwa, apan way pangandoy. Wa magdamgo.

Mao kini ang ilang giingon ni Richard Yee, Paul Artadi, Jun Limpot, Peter Jun ug Rey Evangelista.

Sa unom, si Peter Jun ray taga Mindanao busa gipangutana nako sila'g uyob ba sila sa Visayas Republic, ang ilang tubag tanan, basta, paluyohan lang kon kinsay naa sa pwesto og sundon ang balaod.

Gusto usab sila sa Federal Form of Government. Dinhi sila sa miaging Hulyo 15 kay dunay kalingawang gidalit diha sa Activity Center sa Ayala sa alas 4:00 sa hapon. Apan sa sayo pa, nakighinabi una sa mga sakop sa media didto sa Table 7 Restaurant. Usa ka kan-anan nga gipanag-iya ni Chad Borja.