Julie Danao, Pinay thespian, isip Yoko Ono

Si Julie Danao, Filipina thespian, maoy modala sa papel ni Yoko Ono, ang inilang asawa ni music icon John Lennon sa The Beatles, sa ipasundayag nga stage play "Lennon".

Usa kini ka "musical life story" sa music icon ug ipasundayag ngadto sa Broadway, New York.

Matud pa ni Julie nga si Yoko Ono mismo maoy mipili kaniya nga modala sa maong role.

Matud pa usab ni Julie nga ang pagpili ni Yoko Ono kaniya usa ka dakong regalo gikan sa kahitas-an.

Kahinumduman nga si Julie mi-perform sa mga popular musicals pareha sa Rent, Miss Saigon ug Saturday Night Fever diin giablihan ug gidayeg siya sa iyang maayong performance.