Mga Cruz dili mawagtang sa showbiz

Patay na si Ricky Belmonte-Jessie Cruz ang tinuod nga ngalan, amahan ni Sheryl Cruz. Si Donna Cruz, Cebu-based na, dili na aktibo sa showbiz, si Tirso Cruz III, may edad na sad, nawagtang sa mapa ang kanhi bana ni Dulce nga si Danny Cruz, ambot hain na siya karon, wa nay balita; apan daw dili gyod mawagtang ang ngalan nga Cruz sa showbiz.

Dili pa dugay, gidala dinhi ni Mam Rose Gaisano ang usa sa labing masilakong Cruz karong panahona nga bisa'g ako sa wa pa siya moanhi, didto sa Manila pagsuroy namo didto sa ABS-CBN, na-impress gyod ko ani ni Rayver Cruz kay nakasaksi mi unsa siya ka maayo, ug labot pa, sa pagpakigsulti nako niya, kay usa man sad siya sa mi-harass nako ("sexually") gawas kang Mark Herras, nindot kaayo siyang nanubag sa akong mga pangutana. Laing Cruz nga angayang bantayan kay miggilaw na pod ang iyang brilla og kasanag sa iyang pagka bitoon mao ang maguwang ni Rayver, ang 18 year old nga si Rodjun. Sila si Rayver ug Rodjun, mga anak sa igsoon ni anhing Ricky nga si Elizabeth, ug wa pa konoy mga girlfriends.