Nganong impeachment man?

CEBU, Philippines — Daghan ang nangutana kung unsa man gyud ang proseso sa impeachment nga gihimo karon  batok kang Vice President Sara Duterte ug unsay implikasyon niini sa iyang posisyon. O kun nganong dili man sa mga korte kasohan ang bise presidente?

Basi sa Article 11, Section 2,  sa 1987 Constitution,  lima ra ka klase sa mga opisyal  ang puydeng ma-impeach, sila ang mga miyembro sa Korte Suprema,

miyembro sa Constitutional Commissions, ang Ombudsman,  ug ang bise presidente. 

Duna say unom ka mga grounds para ang maong mga opisyal ma-impeach.

Una ang misuse and misappropriation of confidential funds kay nasulod kini sa   graft and corruption, betrayal of public trust, ug culpable violation of the Constitution.

Ang Article 2  sad mao na ang unexplained wealth, false state of assets, liabilities and networth,  ug continued business interest nga sakop  gihapon sa graft and corruption.

Ang Article 3,  lain sad ni nga kasong graft and corruption apan naglambigit sa bribery and corruption o pagpanuhol.

Ug ang Article 4 nga gitawag nga pinakabug-at sa tanan ang assassination plot,  grave threats, ug inciting to sedition.  Si VP Duterte gipasanginlan bahin sa pagwaldas sa milyones ka pesos nga confidential funds, dili maesplikar nga bahandi, pagpanuhol sa mga opisyal sa DepEd ug  paghulga sa kinabuhi ni Presidente Bongbong Marcos, First Lady Liza Araneta Marcos, Ug Former House Speaker Martin Romualdez.

Kun makombikto sa  impeachment trial possible siyang matangtang pagka bise presidente ug  pagka-diskwalipika nga makadagan pagusab ug dili na makahupot og posisyon sa gobiyerno. 

Basi sa nasabutan, moabot og 62 ka adlaw ang mga hearing sa Senate impeachment court, motambong man o dili si Duterte, magpadayun ang paghusay sa kaso.— One Balita Bai