Justin ug Maki subling mag-collab

CEBU, Philippines — Subling mag-uban  sa usa ka proyekto ang SB19 member nga si Justin ug ang singer-songwriter nga si Maki. Aduna sila’y kolaborasyon  sa  umaabot nga single ni Justin nga “Dahon” nga i-release karong  Hunyo 19.

 Dakong garbo alang kang Justin nga makatrabaho og balik si Maki.

"Working with him is not only a great opportunity for my career but also an incredible experience," suma pa ni Justin . Kahinumdoman nga nilugwa si Justin sa music video sa  bag-ong kanta ni Maki nga “Habangbuhay Pansamantala.” 

ABS-CBN, GMA ug TV5 motabang sa PTV-4

Mapasalamaton ang  bag-ong gitudlo nga general manager sa PTV-4 nga si Lino Cayetano sa suporta sa mga dagkong media network sama sa ABS-CBN, GMA Network, ug TV5, isip kabahin sa iyang mga plano aron mas mapalapdan ug mapalig-on ang pagserbisyo sa maong government station ngadto sa katawhan.

Gitugotan siya   sa   PTV Board nga mosulod  og mga kasabotan  sa nahisgotan nga media organizations. “I am happy to share that ABS-CBN, GMA, and MediaQuest TV5 have reached out to help us at PTV. To serve Filipinos better and remain engaged and relevant in their lives, we need multiple stakeholders at the table, working alongside the already outstanding and hardworking men and women of PTV,” suma pa ni  Cayetano.

The Red strings, milusad sa “Kupido”

Gilusad sa  OPM band nga The Red Strings ang ilang bag-ong single nga “Kupido.” Gisulat kini sa mga miyembro sa banda uban ni Gabriel Tagadtad, nga mao usab ang  producer usa maong  awit.

Naporma ang  The Red Strings pinaagi sa ABS-CBN Entertainment docu-reality show nga “The Next Big Band” . Madungog ang  “Kupido” sa nagkadaiyang  digital streaming platforms.