Lapu-Lapu nipahigayon sa libreng serbisyo program
CEBU, Philippines — Gipadayon sa Lapu-Lapu City Government ang Libreng Serbisyo Para sa Tanan Program pinaagi sa pagdala sa nagkalain-laing serbisyo sa gobiyerno ngadto sa Barangay Basak kagahapon.
Ang mga residente sa Barangay Basak nakabenepisyo sa nagkalain-laing serbisyo nga gidisenyo aron matubag ang ilang panginahanglan.
Ang City Health Office nitanyag kini og libreng medical ug dental checkups, tambal, nutrition counseling samtang naghatag og legal consultations, notarization ug civil registration services ang City Legal Office ug Local Civil Registrar’s Office.
Adunay pagpangrehistro alang sa mga solo parent, senior citizen, ug persons with disabilities ang City Social Welfare and Development Office ug Office of the Senior Citizens Affairs (OSCA).
Anaa usab ang SSS ug BPI membership registration services alang sa mga residente.
Lakip sa ubang serbisyo ang insurance assistance ug oportunidad sa pagpalista sa livelihood ug sewing training programs alang sa mga partisipante.
Nakabenipisyo usab ang mga tag-iya og kahayopan pinaagi sa libreng rabies vaccination, deworming, ug vitamin supplementation gikan sa City Veterinary Office.
Ug anaa usab ang facial ug haircut services pinaagi sa City Mayor’s Office, City Environment and Natural Resources Office ug Lapu-Lapu City Cooperative and Livelihood Resource Center. —Mia D. Esplaguera (BANAT NEWS)
- Latest
