CDO, Manila Jaycees mopahigayo'g exhibition games karong Oktubre 10

 Gikatakdang  mobisita dinhi sa Sugbu ang mga magduduwa sa Jaycees gikan sa Cagayan de Oro ug Manila unya sa  Oktubre 10 aron  mopahigayon og duha ka exhibition games diha sa City Sports Club-Cebu sa  Cebu Business Park.

Mao kini ang gipahibalo dinhi sa Banat News nilang Benedict Chua ug Jeremy Huang, ang mga sinaligan sa koponang Versacool.

Sukdon sa mga magduduwa sa Cagayan de Oro ang abilidad  sa bag-ong kampiyon sa 11th season sa JBA nga mao ang Versacool Car  Air-conditioning nga gipanag-iya ni Dennis Tan.

Samtang sa laing bahin, ang Manila Jaycees makigharong sa Lite Shipping nga gipangulohan ni Dr. Boy Te ubos sa 40-year above category.

Ang Versacool ug  Lite Shipping maoy nagsangka sa kampiyonato  niadtong Septiyembre 23  diin

ang Versacool maoy  midaog, 68-63 aron pagsakmit sa korona.