Rider sumalpok sa tanker truck, tepok

MANILA, Philippines — Nasawi noon din ang isang motorcycle rider matapos sumalpok sa kasalubong na tanker truck sa kahabaan ng national highway ng Brgy.Capuy, West District, Sorsogon City, Sorsogon niton Linggo ng gabi.

Ang nasawing biktima dahil sa tama sa ulo at ibat-ibang bahagi ng katawan ay kinilalang si Andy, residente ng naturang lunsod. Hawak na ng pulisya at nahaharap sa kasong reckless imprudence resulting in homicide ang truck driver na si Bert.

Sa ulat, pasado alas-8:00 ng gabi ay magkasalubong na binabagtas ng motorsiklo ng biktima at ng tanker truck ang kahabaan ng highway.

Gayunman, pagdating sa lugar ay naukopa ng rider ang linya ng kasalubong na tanker na hindi na nakaiwas kaya’t nasalpok ang motorsiklo.

Sa lakas nang pagkakabangga ay nawasak ang motorsiklo pati ang unahang bahagi ng truck habang walang buhay na bumulagta sa kalsada ang rider.