Eala mipakurat ni Osaka, abante sa DC Open final

CEBU, Philippines — Ang garbo sa Pilipinas nga si Alex Eala nakabihag na sab og higante human gitumba niya si four-time Grand Slam champion Naomi Osaka 6-4, 6-2 aron pag-abante sa women's final sa Mubadala DC Open kagahapong adlawa didto sa William H.G. FitzGerald Tennis Center sa Washington, DC.

Ang garbo sa Pilipinas nga si Alex Eala nakabihag na sab og higante human gitumba niya si four-time Grand Slam champion Naomi Osaka 6-4, 6-2 aron pag-abante sa women's final sa Mubadala DC Open kagahapong adlawa didto sa William H.G. FitzGerald Tennis Center sa Washington, DC.

Ang 21-anyos nga si Eala mipakita og impresibong salida batok sa kanhi world No.1 gikan sa Japan aron pagsud sa final sa usa ka WTA 500 tournament sa unang higayon ug pagtikang ngadto sa usa na lang ka daog gikan sa labing dako nga titulo sa propesyonal niyang karera.

"I think I played really well and of course, such a meaningful match against a great player. Really happy to share the court against Naomi," sigun pa ni Eala atol sa post-match interview.

Ang world No.28 nga si Eala wala pa mapildi og usa ka set sukad gitagak niya si Paris Olympics gold medalist Zheng Qinwen sa China sa una niyang duwa.

Human niini, ang garbo sa Quezon City mipalagpot ni defending champion Leylah Fernandez sa Canada sa wala pa gipabakwit si world No.10 Elina Svitolina sa Ukraine sa quarterfinals.

Human gibuntog si world No.13 Osaka, si Eala magsagubang karon og mas lisud nga hagit batok ni world No.3 Jessica Pegula sa Amerika sa seguradong kulbahinam nga kampiyonato karong adlawa, Agosto 3.

Si Eala gipildi ni Pegula sa Miami Open semifinals sa miaging tuig sa bugtong pa lamang nilang sangka.

Si Pegula, nga naglaraw sa ika-12 niyang korona ug ikatulo ning tuiga human siya nanghawod sa Dubai ug Charleston, miangkon og luna sa semis human gipatikangkang si Diana Shnaider sa Russia 7-5, 6-4.

"It's going to be a battle," dason pa ni Pegula sigun sa taho sa Agence France Presse. "Alex, I'm a big fan of her. She's the future of the tour and she's already here."