Eala miangkon og luna sa DC open semifinals
CEBU, Philippines — Ang Pinay tennis star nga si Alex Eala mipatikangkang og usab ni world No.10 Elina Svitolina aron pag-abante sa semifinals sa Mubadala DC Open 2026 kagahapong adlawa didto sa William H.G. FitzGerald Tennis Center sa Washington, DC.
Ang 21-anyos nga si Eala mipayaka sa second seed gikan sa Ukraine sa duha ka sunod-sunod nga sets, 6-3, 6-4, aron pagmartsa ngadto sa Final Four sa torneyo.
Sulagma kaayo nga gibuntog sab ni world No.28 Eala ang 31-anyos nga si Svitolina sa parehong iskor aron pagtikang sa Berlin Open semis niadtong Hunyo.
Si Eala makigharong sunod batok ni world no.13 Naomi Osaka sa Japan alang sa luna sa final.
Si Osaka, nga upat ka higayon nahimong Grand Slam champion, miligid ngadto sa semis human gipalagpot ang Italyanang si Elisabetta Cocciaretto 4-6, 6-4, 6-3.
- Latest
