Nagduwa og kinatawo gipadakop sa manag-inahan

CEBU, Philippines — Gidakop ang usa ka 39 anyos nga lalake human gireklamo kay giingong nagduwa sa iyang kinatawo atubangan sa duha sa ka mga menor de edad diha sa Purok Seaside Tapon, Barangay Tinaan, dakbayan sa Naga niadtong Dominggo sa gabie, Enero 28, 2024.

Ang lalake molypyo sa Sitio Caba-asan, Barangay Sambagon, Lungsod sa Pinamungajan samtang mga biktima nag edad og 12 anyos ug 17 anyos nga pulos nagpuyo sa naasoy nga dapit.

Sa imbestigasyon sa Naga City Police Station alas 7 sa gabie sa adlaw'ng Domingo misumbong ang mga biktima kauban sa ilang inahan  diha sa presinto bahin sa giingong law-ay nga gibuhat sa suspek atubangan sa ilang balay.

Nadakpan sa follow up operation ang suspek ug gikatakdang pasakaan og kasong paglapas Republic Act 11313 kun Safe Place Act o Bawal Bastos Law. IBM BANAT NEWS