Nagtatanong lang ‘wag namang masamain n’yo,
Pag may RED TIDE ang babae may “dalaw” ito…
Kaya ang ibig bang ipahiwatig nito —
Kapag may STD lalaki eh may BIRD FLU?!
And why daw pag mahilig sa sex o BOG-MALI,
Babae man o lalaki ang tawag HORNY?
You mean pag walang kabuhay-buhay katabi
Lalo sa kama sinasabi natin… CORNY?!
Nagkaiba lang sa letter H at letter C,
Bakit hindi BORNY, TORNY, MORNY o PORNY?
Kaya ba “H” ay dahil HOT itong si Horny?
Ayunnn… kaya “C” si Corny dahil COLD kasi!
Ba’t ba ‘yung iba sa English nahihirapan?
Kung tutuusin ‘yung ibang words eh simple lang;
‘Yun bang waring hindi naman pinag-isipan
Tulad BEAUTIFUL… eh FULL OF BEAUTY lang naman!
‘Yung Ingles ng PANGIT galing lang sa reaksyon
Pag hindi maganda tulad NGEK! YAK! UGH! Ganyan,
Kaya nga siguro UGH-LY kinalabasan!
So pwede ring YAKFUL, NGEKFUL, YAKLY, NGEKLY ‘yan!
Eh ‘yung PRETTY nga sa reaksyon din malamang,
Hindi ba pag may maganda’t seksing dumaan,
Sumisipol parang pulis kalalakihan?
“PRRRT!” Ayun, PRRRT-TY o PRETTY ‘yun pinagmulan!
‘Di kaya ito naisip ni Nostradamus?
Na may mga salita katulad ng LIMOS
Na nag-a-apply sa mayaman at hikahos,
Awa’t tulong isa at sinasakyang AUTOS!
Bakit ba Coconut Jam matamis na bao?
Dahil ba sa pinaglalagyan ng niyog ito?
At kaya ba NIYOG din ang tawag sa BUKO
Kasi NIYUYOGYOG upang mahulog ito?!
Food for the gods ay panghimagas na malasa,
FOOD FOR THE HOGS ay KANING BABOY ano pa ba?!
Kamalas-malasan nitong baboy talaga!
HOG nasa TUHOG at PORK katunog ng FORK pa!
Puro tinutuhog at tinutusok ‘baga!
Mapa-litson man o maging barbecue punta!
Baboy na nga BINABABOY pa raw sila!
KSP… Kawayan Sa Puwit! Out sa mouth nila!
Salaula pa nga ang turing sa kanila!
Pag kinakatay sila tao’y nagpi-fiesta!
Kaya sigaw nila, “Nasaan ang hustisya?!”
Bago ang sagot tayo muna’y mag-crispy pata!
“CRISPY PATANG INA N’YONG MGA TAO KAYO!
PIG-HATI talaga inaabot ng grupo,
Sa tawag pa lang sa aming binigay ninyo —
BABOY… katunog ng BABAY at GOODBYE na ‘to!”
Totoo bang pag hirap at ‘di mapurorot,
Kayo’y may diarrhea o utot nang utot,
Magdasal ka lang daw kay ST. ELIOT ang gamot,
Eh kasi nga baliktad ng TOILETS… ST ELIOT!
May paniniwala ang ilan na kung ano
Man pinagmulan ng sakit ‘yun din gamot mo,
‘Yun bang kung mahamuga’t sinipo’t inubo,
Lalo kang magpahamog at labas pa ulo!
‘Yun din bang kung sa seafoods o beer namantal ka,
O kaya’y buong katawan mo ay namula,
Mas maraming beer at seafoods ang tirahin pa,
Hindi kaya ibang sakit naman makuha?!
Pero kasi nga ito ‘yung mai-IMMUNE ka na,
Pwede ring ‘yung nagpahamog ay mapulmunya!
At ‘yung nag-beer at seafoods high blood ang makuha!
Ngek! M ‘YUN! As in MASAMA ‘YUN pala! Nganga!
Ngunit sa isa talagang seryong usapan,
Tulad din ‘yan ng isang lumang kasabihan
Tungkol panalangin sa Birheng Matimtiman,
Pag paulit-ulit ay makakasanayan!
Ang salitang BUNTIS ba ay galing sa BOUNTIES
Na ang ibig sabihin ay REWARD in English?
Pagkat isa itong biyaya, a couple’s bliss,
At malamang “bun-this and bun-that” din! ‘Kainis!
Sa tanong kung may pusod si Adan at Eba,
Ang sagot d’yan ng Ang Poet N’yo ay, “OO ba!”
Kumpleto’t buo na nang nilikha dalawa,
Baka nga may putik pa mga pusod nila!