Yang “Ice Bucket Challenge” ay pinaglumaan na
Sapagkat may mas bago na ngayong kampanya
At hindi pa delikado na mapulmonya,
May kaugnayan pa sa “paglaya” talaga.
Walang yelo-yelo… siguro Belo-Belo?
Ngek! Kasi tungkol sa “BOBITA” ng girls ito!
Ops, hindi tungkol sa UTAK at pagkabobo
Kundi UTONG! Boobies ang ibig sabihin ko!
FREE THE NIPPLE! Ang utong ay palayain na!
‘Yan ang sigaw ngayon kahit na si Madonna!
Ang tanong ko’y umabot kaya hanggang EDSA?
Magkaron kaya ng NIPPLE POWER kumbaga?
Sumunod kaya dito mga Pilipina?
Alam n’yo naman tayong mga gaya-gaya!
Sinimulan kasi ito sa Amerika
At nagpasimuno pa ay mga artista!
Pagkakapantay-pantay ang habol ba nila,
Bakit ba raw kasi lalaki ay uubra
Na maghubad at utong nila’y ipakita,
Samantalang sa babae’y binabawal s’ya?!
Bale ganon na nga — nais nila’y HUSTISYA!
Tila ba — pantay-pantay sa pagpapakita!
Kung kaya, “Free The Nipple!” para sa kanila,
Pero teka… ‘yan bang inyo’y PANTAY-PANTAY pa?!
Ngek! Nagbibiro lang Gabriela Ang Poet N’yo,
Ano ba sa tingin n’yo? Susuporta ba kayo?
Mga kalalakihan ako’y sigurado
Na walang sasaliwa at kokontra dito!
Maging sa Kanluran nama’y may bumabara,
Para sa mga bata masyadong “sexy” ba
Na ang kababaihan din ay magpakita!
At sa utong ng lalaki tayo’y sanay na.
Ngunit ang lingkod n’yo sa usapang seryo,
OKS lang ang UTS sa akin! Parang ART lang ito,
Waring part lang ng moda o fashion siguro,
‘Yun bang sa Aprika… mga babaeng tribo!
Malamang may sumisigaw sa Ang Poet N’yo
Ng, “Gunggong! Lokohin mo ang lelang mong kalbo!”
He, he, he… eh ‘yan lang naman ay opinyon ko
At ‘yan naman talaga ay nasa sa inyo.
Ngunit sa’n kaya umabot kampanyang ito?
Tao kasi’y mammal — short for MAMMALISYOSO!
But in Fairview, este, in fairness, nakita ko,
U__ng, este itong si Madonna… hmmm… yahooo!
Eh 56 years old na pero tingnan ninyo!
Ayunnn! Gawing batas na lang dito siguro —
Na “magpalaya ng kanilang mga suso” —
SISENTA- PATAAS edad ng mga ito!
Alam ko, alam ko… marami rin sa inyo
Ang sa mungkahi ko ay mag-aalburoto,
Kasi naman nung nasa Nice naalala ko,
Nagsa-sun bathing sa beach age malalaman mo.
Pag nagtanggal ng bra ang mga forty below,
Tiyak nakadapa at wala mukha nito,
But mga matrona, este Madonna you know,
Tumitihaya at tumitiwangwang ito!
Well, FREE THE NIPPLE — depende na lang sa tao,
At malamang ito la’y sa mga modelo,
Basta ba hindi lang nakaka-iskandalo
At basta ba ‘yung “FREE” ang mahalaga dito!