Jawbreakers nakauna
Laro Bukas (Pasig City Sports Center)
2 nn Akari-Adamson vs Che’Lu Bar
4 p.m. Marinerong Pilipino vs Zark’s Burger
MANILA, Philippines — Nagtulung-tulong sina Jaycee Marcelino at Mike Nzeusseu sa overtime period para iangat ang Zark’s Burger-Lyceum sa 90-87 panalo kontra sa Marinerong Pilipino at itarak ang 1-0 bentahe sa best-of-three semifinal series ng 2018 PBA D-League Aspirants’ Cup sa Pasig City Sports Center.
“Again, I don’t know how they do it, but these guys just don’t know how to quit. We just keep on persisting and they are not giving up. For our growth we’ll learn a lot from this,” sabi ni Zark’s coach Topex Robinson.
Tumapos si Marcelino ng 20 puntos habang 20 rin mula kay Nzeusseu na may kasamang siyam na rebounds para sa Zark’s Jawbreakers.
Kahit malas sila sa free throw line, bumawi naman si Nzeusseu kumana ng dalawang importanteng play sa huling yugto para makahirit ng overtime.
Umiskor si Billy Ray Robles ng short jumper para itabla ang laban, 81-81 mahigit 23.1 segundo na lang ang nalalabi sa regulation period.
Makaraang kumonekta ng short jumper si Robles sa umpisa ng extension period, pinangunahan ni Nzeusseu ang 7-0 run ng Jawbreakers para makuha ang kalamangan.
Mula rito, hindi na binitiwan ng Jawbreakers ang ang bentahe hanggang matapos ang laro tungo sa panalo.
- Latest