May conflict... Buy Bust ni Anne ‘di na tuloy sa Cannes!

Nangangamoy apektado ang Buy Bust movie ni Anne Curtis at dinirek ni Erik Matti na hindi maipalabas sa naka-schedule na Cannes Film Festval next month.

Sa report na inilabas ng GMA News Online, nagpahayag ang Netflix na magpu-pull out sila sa festival matapos i-ban ng orga­nizers ang movies ng streamlining platform sa kumpetisyon dahil sa pagtanggi nito (Netflix) na i-release ‘yon sa local cinemas.

Sa pahayag ng Netflix Content Officer na si Ted Sarandos sa Variety magazine, hindi sasali sa non-competition ang Netlix.

“I don’t think there would be any reason to go out of the competition. The rule was implicitly about Netflix, and Thierry (Festival Director) made it explicity about Netflix, when he announced the rule,” pahayag ni Sarandos.

Ang Viva movie na Buy Bust ang isa sa nabili ng Netflix at nagkasundo ito at Viva na doon muna sa Cannes ipalalabas bago ang local showing sa bansa.

Marvin nasubukan na ang matagal na plano

Natikman na ngayon ni Marvin Agustin ang hirap ng maging direktor kumpara sa pag-arte. 

Siya ang nagdirek ng episode sa Magpakailanman kung saan tampok ang love story nina Will Dasovich at cosplayer na si Alodia Gosiengfiao na eere ngayong Sabado ng gabi.

“TV directing is one of the most tiring, emotionally, mentally and physically but very, very, very fulfilling jobs one will do...

“Thank you to my actors, staff (producers & pd peeps) and technical crew --- cameramen, tech and lighting director! I should have not done it without you guys,” post ni Marvin sa kanyang Instagram. At siyempre lubos ang pasasalamat niya sa GMA 7 na nagbigay sa kanya ng pagkakataong matupad ang pangarap.

Sina Tom Rodriguez at Janine Gutierrez ang gumanap bilang Will at Alodia. Nagparating naman ng pasasalamat si Tom kay direk Marvin.

“Thank you for an awesome experience, Direk! Dapat na iupdate yung IG bio mo...kulang ng Director,” saad ni Tom.

Tugon naman ni Marvin, “@akosimangtomas thank you also Tom! Hehe Tsaka na pag nakadami...Good luck to us this Saturday.”

“This should be interesting!” komento naman ni Wil.

Reply ni Marvin kay Wil, “God bless you more Wil!! I learned a lot from your story...Very inspiring...”

Cancer survivor si Will at si Alodia ang isa sa taong nasa tabi niya sa panahong nagpapagamot siya.

Kahit pinasok na ang pagdidirek, tuloy pa rin ang acting career ni Marvin na kabilang sa cast ng GMA series na Kambal Karibal.