Clarkson misaad motabang Cavaliers unya sa playoffs
CEBU, Philippines — Misaad si Fil-American NBA standout Jordan Clarkson nga buhaton niya ang tanan aron makatabang og dako sa kampanya sa Cleveland Cavaliers unya sa playoffs.
Si Clarkson nga moduwa sa labing una niyang playoffs sa tulo ka tuig niya nga karera, nagkanayon nga dakong hagit kaniya ang mamahimong usa sa mga gisaligan nga back-up scorer sa Cavs nga gipangulohan ni LeBron James.
“It has been an adjustment for me,” matud pa ni Clarkson sa NBA.com. “But knowing every time I step on the floor, you're going to be put in different situations to take a couple of shots and make plays. (So) it's just having confidence in yourself, come in every night and perform.”
Si Clarkson kapin sa usa ka buwan pa lang nga sakop sa Cavs human sa nahitabong blockbuster trade diin gibuhian siya sa Los Angeles Lakers. Bisan pa niini, si Clarkson mi-average na og 12.9 points.
“It’s been a long year. It's my first time going to the playoffs,” dugang pa niya.
Ang defending Eastern Conference division champion nga Cavs kasamtangan nga anaa sa ikaupat nga dapit sa standing sa record nga 50-31, apan posible pa nga mosaka sila og balik sa ikatulo depende sa resulta sa mga nahibilin nilang duwa. Anaa sa ikatulo ang Philadelphia 76ers nga adunay 50-30 nga baraha.
- Latest
