Trapik sa Sangi, Toledo masulbad na

CEBU, Philippines - Masulbad na unya ang huot sa mga sakyanan sa Sangi, Dakbayan sa Toledo.

Kini kung mahuman na ang pagsemento  sa taytayan sa Barangay Ilihan.

Giaprobahan na sa konseho sa dakbayan ang resolusyon ni Konsehal Leo Dolino nga naghatag og pagtugot kang Mayor John Henry Osmeña sa pagpirma sa kasabotan tali sa kontraktor aron mapadayon na ang proyekto.

Ang maong proyekto gigahinan sa kagamhanan sa siyudad og P800 milyones.

Nasayran nga ang maong taytayan ang nagdugtong sa acces road sa Barangay Dumlog paingon na sa Siyudad sa Sugbo.

Ang gikan sa Lungsod sa Balamban nga mga sakyanan pwede na unyang moagi sa maong diversionary road aron malikayan ang paghuot sa trapiko sa Sangi. (BANAT NEWS)