Mga presinto hugot nga bantayan
CEBU, Philippines - Gipasalig sa Cebu Provincial Police Office nga andam sila alang sa hugot nga seguridad sa tanang polling precincts lakip na sa walo ka barangay sa probinsya nga walay linya sa kuryente.
Matud ni Senior Inspector Gerard Pelare nga nagpadayon sila karon sa paghan-ay sa tanang deployment para sa eleksiyon nga ilang ipahimutang sa tanang mga polling precincts.
Sumala pa ni Pelare nga lakip sa ilang pahugtan pagbantay ang mga lugar nga nalakip sa election watchlist areas (EWAS) sa Commission on Elections.
Dugang ni Pelare nga dungan sa ilang pagpangandam ila usab giawhag ang katawhan nga makigtambayayong kanila pinaagi sa pagpahibalo sa kapolisan kung dunay mga tawo nga katingalahan panahon sa eleksiyon.
Gitug-an ni Pelare nga sila sa kapolisan maoy tinguha ang usa ka malinawon ug malampuson nga pagpahigayon sa eleksiyon. (BANAT NEWS)
- Latest
