Mogamit og drone multahan
CEBU, Philippines – Kadtong makalapas ug mopalupad sa ilang mga drone o unmanned aerial vehicle (UAV) atol sa Sinulog ang pwedeng makamulta gikan P300,000 hangtud P500,000.
Kini ang gitug-an ni Chief Supt. Prudencio Tom Bañas, direktor sa Police Regional Office-7.
Si Bañas nipasabot nga ang pagdili paggamit og drone pinasikad sa Memorandum Circular 21- 2014 sa Civil Aviation Authority of the Philippines (CAAP).
Hinuon gipasabot ni Bañas nga pwede magamit ang mga drone kung kini dunay lisensiya alang sa maong katuyoan gikan sa CAAP.
Dugang ni Bañas nga ang katuyoan sa pagpahugot sa paggamit sa mga drone aron sab kalikayan ang bisan unsa’ng posibleng dili maayo’ng hitabo tungod sa maong mga UAV.
Sigun pa ni Bañas nga ang mga drones pwedeng makadala og bomba apan usa lang kini sa mga posibilidad. Duna’y ipatuman nga “no fly zone” karong Sabado panahon sa prosesyon ug Domingo atol sa Sinulog grand parade sa dakbayan sa Sugbo.
“Those who intend to use their drones in no-fly zones will face charges and their equipment will be confiscated,” matud ni Bañas. – /GMR) (BANAT NEWS)
- Latest
