Police striker patay sa ‘Oplan Sita’
MANILA, Philippines - Patay ang isang 31-anyos na “striker†ng Baseco Police Community Precinct nang pagbabarilin ng tatlong lalaki na sakay ng tricycle na kaniyang hinabol matapos dedmahin ang pagpapahinto ng pulis sa Port Area, Maynila kamakalawa ng gabi.
Namatay habang nilalapatan ng lunas sa Manila Doctor’s Hospital ang biktimang si Jefferson Barrel, utility boy ng Baseco PCP, residente ng no. 3192 Int. 9 Pilar St. Tondo, Maynila dahil sa apat na bala na tinamo sa katawan.
Hindi pa tukoy ang pagkilanlan ng mga suspek na tumakas sakay ng hindi naplakahang tricycle.
Sa ulat ni SPO1 John Charles Duran ng Manila Police District-Homicide Section, dakong alas 9:45 ng gabi nitong Biyernes nang maganap ang insiÂdente sa 2nd st., Port Area.
Nabatid na isinama ang biktima ng mga opeÂratiba sa isinagawang “Oplan Sita†at nang dumaan ang tricycle na sakay ang tatlong suspek ay pinara ito ni PO2 Abel Sadiosa subalit sa halip na huminto ay tuloy-tuloy lang na pinatakbo ang tricycle kaya hinabol naman ito ng biktima na sakay ng motorsiklo.
Ilang segundo lang ay nakarinig na umano ng sunod-sunod na putok ang mga pulis at pinuntahan na ang biktima na inabutang naghahabol na ng hininga.
Agad siyang dinala sa nasabing ospital suÂbalit bandang alas-11:10 ng gabi ay idineklara na siyang patay.
Patuloy ang follow-up operation ng pulisya para matukoy ang pagkakilanlan ng tatlong suspek.
- Latest
