Ting-init
Dibuho ni Ramon Taguchi
Panahon sa kalipay
Panahon sa mangraduate-ay
Bagong diplomang gi hayhay
Lipay kaayo si Nanay
Sa kadagatan ang selebrasyon
Sa buntag ug sa hapon
Lami pa kaayo’g panihapon
Naay pansit naay bihon
Nagkiat-kiat
Nangaligo’g dagat
Sa ka grabe sa kainit
Nangitom ilang panit
Sa kainit sa panahon
Nag pangita ug bugnaw nga pagkaon
Gisuyaan ang ice-cream boy
Nga ganiha ra gasuroy-suroy
Ug makita ang kauhaw ni Inday
Gumikan sa iyang laway
Nga ganiha rang gabitay
Ang mga dahon ug bunga
Nga pwerti najung laguma
Ug kini nangatagak lang bisan asa
Pero kini natural ra
Tungod niining panahona
Ug ikaw maglantaw sa ibabaw
Makita mo ang mga tabanog nga murag mga langaw
Sila nag lupad-lupad
Hangtod sa bisan asa sila mapadpad
Akong mga amigong nanglarga
Nga nanugpa lang bisan asa
Ug sa kasosyal nila
Barko ug eroplano pa ang tirada
Kini ang akong ma remember
Sa panahon nga gi nganla’g summer
Saktong panahon sa pag lipay-lipay
Panahon sa mga estudyante magpahayahay
- Latest