Walay birth certificate ang bata

Dear Atty. Divine,

Ang akong pag-umangkon gusto na nga mo-eskwela, apan sa dihang amo na kining gikuhaan og birth certificate nga maoy requirement sa iyang eskwelahan, amo nasuta nga wa diay siya marehistro. Ang inahan sa bata, nanarbaho isip katabang og ako ang nag-atiman sa iyang anak. Anak sa iyang pagka dalaga ning bataa. Ang akong pangutana kon unsay among buhaton aron makuhaan og birth certificate ang bata? Daghang salamat. —Nora

Dear Nora,

Ang inyong buhaton ipa rehistro ang bata sa Local Civil Registrar diin siya matawo pinaagi sa late registration. Ang inahan dapat ang mo-process niini og siya usab ang mo mopirma sa mga documents nga dapat i-submit. Apan kon dili siya maka higayon kay nanarbaho siya, mamahimong mo-execute siya og Special Power of Attorney kon SPA aron ikaw ang mo process niini. Usa sa mga requirements mao ang Negative Certificate of Birth nga inyong makuha sa Philippine Statistics Authority kon PSA, lain nimong i-submit mao ang Certificate of Live Birth o COLB, 4 copies, makakuha ka og copy niini sa Local Civil Registrar. Affidavit of Delayed Registration nga anaa ra makita sa luyo sa COLB og kinahanglan nga pirmahan kini sa inahan og panotaryuhan. Lain ninyong i-submit mao ang duha ka mga supporting documents sama sa Baptismal certificate og medical reports og lain pang dokumento nga adunay name, place, dated of birth og parent’s name sa bata. Kon wa siya niini, mamahimong Affidavit of Two Disinterested Persons. Kon gustong mogamit ang bata sa apelyido sa iyang amahan, ilakip sa pagsubmit ang Affidavit to Use the Surname of the Father og kinahanglan sab siyang mopirma sa Certificate of Live Birth isip pag acknowledge sa bata. Thank you and God Bless! —Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.