Pilipinas, Timor-Leste kapit-bisig sa sports

MANILA, Philippines — Maganda ang naging resulta ng pakikipagpulong ng Philippine Sports Commission (PSC) sa Timor-Leste hinggil sa imbitasyon nitong lumahok sa dalawang presitihiyosong event ng bansa na 2027 Tour of Luzon at ang unang Minda­nao Youth Games sa Lanao del Norte sa susunod na taon.

Naselyuhan ang pag-uusap ng dalawang bansa sa naganap na pagkikita nina PSC Chairman Patrick Gregorio at Timor-Leste Ambassador His Excellency Marciano Octavio Garcia Da Silva.

Nakaraan lamang ay bumisita si Da Silva sa PSC Villa sa PhilSports Complex sa Pasig City.

Tanging ang Timor Leste ang ASEAN country na naimbitahan na sumali sa Mindanao Youth Games sa Marso sa Tubod, Lanao del Norte kung saan tampok sa nasabing event ang 10 sports para sa atletang edad walo hanggang 18.

“This is more than just competition. It is about building bridges, discovering talent, and using sports as a platform for peace and development. Timor-Leste’s participation will enrich the Games and strengthen our ties as ASEAN neighbors,” ani Gregorio.

Inanyayahan din ng PSC ang Timor-Leste na sabakan ang Tour of Luzon 2027, isa sa matandang cycling events sa Pilipinas.

“Sports is a universal language. By joining these events, Timor-Leste and the Philippines are not only competing but also sharing culture, friendship, and mutual respect,” wika ni Ambassador Da Silva.

Nakikipagtalastasan din ang PSC para makipagtulungan sa Timor-Leste sa kanilang programa sa arnis, at sa Pilipinas naman sa national martial art, at football.

Sikat din sa Timor-Leste ang nabanggit na sport, may usapin din sa coaching, technical training, at grassroots development programs.

“Arnis represents our heritage, while football is deeply rooted in Timorese culture,” sabi ni Gregorio. “By sharing expertise, we can learn from each other and elevate both sports across our nations.”

Nakipag-usap na rin ang PSC sa Department of Foreign Affairs (DFA) para sa Memorandum of Understanding (MOU) on Sports Cooperation sa pagitan ng Philippines at Timor-Leste.