Alexei Claire, palaban sa debut single

Hinarap ng dating girl group member at solo artist na ngayon na si Alexei Claire ang hamon ng pagpapakatotoo sa gitna ng panghuhusga sa kanyang debut single na girl of your dreams.

Nagsimula ang music career niya bilang miyembro ng P-pop girl group na YGIG bago siya umalis sa grupo noong 2025. Napanood din siya sa music video ng Bughaw ni Maki. Ngayon, tinatahak niya ang solo music career sa ilalim ng Tarsier Records sa pamamagitan ng girl of your dreams.

Isinulat at iprinodyus ni Alexei ang awitin na nagbibigay-diin sa pagpili sa sarili sa halip na magpanggap para magustuhan ng iba. Kasama ni Alexei sa pag-produce ng kanta sina Jameson Tenorio at BGYO member Nate Porcalla.

Sa isang social media post, binalikan ni Alexei ang pagsisimula niya sa pag-abot ng kanyang mga pangarap at kung paano niya unti-unting nakalimutan ang sarili sa pagsisikap na matugunan ang expectations ng ibang tao.

“I started a journey towards my dream as an innocent, passionate young girl. I was confident that I would be resilient and strong enough. Well, little did I know, I started losing myself to be who people wanted me to be. I started chasing other people’s dreams. I have had enough of their expectations. I have had enough of their judgment. And I am done destroying myself to fit in,” saad niya.

Nagsimula ang music career ni Alexei bilang miyembro ng P-pop girl group na YGIG bago siya umalis sa grupo noong 2025.

Napapakinggan ang girl of your dreams sa iba’t ibang digital streaming platforms. Para sa ibang detalye, sundan ang Tarsier Records sa Facebook, X (Twitter), Instagram, TikTok, at YouTube.