Libong residente sa Nueva Ecija nakinabang sa P20 bigas
LAUR, Nueva Ecija, Philippines — Mahigit sa 1,000 kwalipikadong residente ng bayang ito ang nakinabang sa “Benteng Bigas, Meron Na!” program ng national government, kung saan may access ang mamamayan sa ?20 kada kilo ng bigas at pagtulong sa pagpapagaan ng mga gastusin sa pagkain.
Ang programa na ipinatupad sa pamamagitan ng Department of Agriculture ay bahagi ng patuloy na pagsisikap ng administrasyong Marcos na palakasin ang seguridad sa pagkain at gawing mas abot-kaya ang mga mahahalagang bilihin at naa-access ng ‘vulnerable sector’ ng bansa.
Kabilang sa mga kwalipikadong benepisyaryo sa Laur ay ang mga senior citizen, persons with disabilities, solo parents, Pantawid Pamilyang Pilipino Program beneficiaries, minimum wage earners, rehistradong magsasaka at manggagawang bukid, mangingisda, mga manggagawa sa pampublikong sasakyan tulad ng mga driver at operator, at mga guro sa pampublikong paaralan at non-teaching personnel.
Binigyang-diin ni Laur Mayor Benjie Padilla ang pangako ng lokal na pamahalaan na palawakin ang abot ng programa sa buong bayan, upang mas maraming residente ang makikinabang sa tulong ng pambansang pamahalaan.
- Latest
