34 ka indibidwal apektado sa sunog sa Labangon

CEBU, Philippines — Pito ka pamilya o 34 ka indibidwal ang naapektohan sa nahitabong sunog diha sa residential area sa Balaga Drive, Sitio Cecalco, Barangay Labangon, Dakbayan sa Sugbo kagahapon sa buntag.

Gikataho nga usa ka lalaki ang naangol sa maong insidente kinsa ang biktima nakaangkon kini og first-degree burns sa iyang nawong ug ibabaw nga bahin sa iyang mga bukton hinuon walay gikataho sa maong hitabo.

Gikataho nga usa ka balay ang hingpit nga naugdaw samtang tulo ang partially burned. Gibana-bana sa kabomberohan nga nikabat ngadto sa P225,000 ang danyos sa maong sunog.

Matud sa administrador sa apartment compound nga gipanag-iyaha kini sa ilang pamilya ug kasagaran sa namuyo nagtrabaho kini diha duol nga mga lugar.

Niabot ngadto sa 10 ka response units ang niresponde sa sunog lakip ang upat ka fire trucks sa BFP, usa ka ambulansiya ug lima ka auxiliary response units.

Ang alarma sa maong sunog nadawat sa kabomberohan mga alas 7:51 sa buntag diin gipaubos kini sa first alarm ug napalong ang kayo mga alas 8:31 sa buntag.

Padayon pa ang kabomberohan sa pagpahigayon og imbestigasyon sa hinungdan sa maong sunog. BDB BANAT NEWS