“Sigabo” ni Coco, mikisaw sa primetime tv

CEBU, Philippines — Gipamatud-an ni Coco Martin nga  buhi ug lig-on gihapon ang industriya sa telebisyon sa Pilipinas ilabi na sa primetime human nisikad  sa ere ang  seryeng  “Sigabo,” nga makita sa ABS-CBN, ALLTV2, A2Z ug TV5.

Atol sa espesyal nga screening sa serye nga gitambongan sa mga artista, empleyado ug executives sa  nagkalain-laing TV networks, gipadayag ni Coco ang iyang dakong pasalamat sa panaghiusa sa mga estasyon alang sa maong proyekto.

“Grateful kasi nandito lahat. Nagsama-sama, nagtulong-tulong. Hindi ko ma-imagine na pupunta dito ang TV5, ALLTV2, at A2Z. Kasi ang ibig sabihin nito, isinisigaw natin sa buong Pilipinas na dapat magtulong-tulong tayo at magsuportahan para dito sa ‘Sigabo,’” suma pa  sa aktor.

Samtang ang kapares niya nga si  Julia Montes kay nipadayag nga nagtimaan kini sa  pagtinabangay aron mahatagan ang viewers og kalidad nga programa.

“Ito na ‘yung produkto na mapapanood ng mga tao at para siyang pelikula. Lagi naman sinasabi ng ABS-CBN na ‘in the service of the Filipino.’ Ang pinaka-importante ay nagsama-sama ang lahat,”suma pa sa  aktres. Positibo usab ang pagdawat sa viewers atol sa pagsugod niini  gumikan sa kombinasyon sa aksyon, drama ug makalingaw nga mga eksena. Suma  sa ubang cast members, pang-international  ang kalidad sa “Sigabo” tungod sa dili basta-basta nga gidalit niini. Nahimo usab nga sentro sa diskusyon online ang romantikong panagpares  nila Coco ug Julia o mas nailhan nga CocoJul.

Dungan sa paglusad  sa “Sigabo,” giabiabi usab sa ABS-CBN ang cast, mga direktor ug production staff pinaagi sa usa ka espesyal nga Kapamilya cast welcome. Midugang pa sa kasadya ang live performance ni Yeng Constantino sa theme song sa serye ug ang espesyal nga online gap show diin nakig-uban ang pipila ka cast members sa fans.

Padayon usab ang paglibot sa cast pinaagi sa nationwide motorcade nga gidumogan og maayo  sa Kapamilya fans sa nagkalain-laing bahin sa nasud . Sunod nilang adtoon mao ang Pampanga karong Hunyo 28.

Una na nga nabalita nga nakalangkat kini  og  404,124 peak concurrent viewers sa YouTube ang pilot episode niini .

Makita ang “Coco Martin’s Sigabo” matag Lunes hangtod Biyernes alas-8 sa gabii sa ALLTV2, TV5, A2Z, Kapamilya Channel, Kapamilya Online Live sa YouTube ug Facebook, iWant, ug pinaagi sa The Filipino Channel (TFC) alang sa mga Pinoy  sa laing nasud.

Daddy's girl

Gipasigarbo ni  Kylie Padilla ang dako niya pagpangga ngadto sa iyang amahan nga si Senador  Robin Padilla. Giangkon sa aktres nga usa siya ka daddy’s girl ug dili gyud kini mausab.

Gibalibaran ni Cristine

Kaduha na ka higayon nga gibalibaran ni Cristine Reyes ang online sugal endorsements.  “Hindi ko siya tinanggap kasi same reason pa rin. Because I remember noong bata ako, ‘yan ‘yung reklamo ng mga matatanda sa mga asawa nila na inuumaga sa mga sugalan," saysay pa ni Cristine sa interview niini sa  “The B side” ni Bianca Gonzalez.

"Forever crush "

Giangkon ni  Alexa Ilacad nga dugay na niya nga  crush ang aktor nga  si Enchong Dee. Gitawag niya kini nga iyang  “forever crush”. Suma pa sa aktres nga walay kahupasan ang kaguwapo sa aktor.

Gian sa Cup of Joe , mosulod na sa pag-arte

Hingpit na nga mosulod sa kalibotan sa pag-arte ang  bokalista sa sikat nga banda nga Cup of Joe nga si Gian Bernardino . Mipirma  og kontrata sa Viva Artists Agency  si Gian niadtong Martes, Hunyo 23.

Mainiton siyang gidawat sa executives  sa Viva Entertainment.

Suma pa ni  Viva Entertainment Chairman ug COO nga si Vic del Rosario, dako ang ilang pagsalig sa talento ni Gian ,dili lamang sa musika kondili usab sa pag-arte.

“One of the best singer-composers, Gian from Cup of Joe, and now, ilu-launch naman natin ang kanyang acting career. So, good luck to you," nagkanayon si del Rosario. Gipadayag ni Gian nga dugay na niyang damgo ang pagsulod sa industriya sa pag-arte. Bisan pa sa iyang kahinam, wala niya ikatago ang iyang kakulba sa bag-ong hagit nga iyang atubangon.

“Kinakabahan po ako. First time ko mag-isa,” niya pa. Usa sa iyang mga damgo kaniadto mao nga mahimong kabahin sa “Goin’ Bulilit”. 

Bela dunay bag-ong uyab?

Gidungog nga dunay bag-ong uyab ang  Kapamilya actress nga si Bela Padilla human siya nasigpatan nga dunay kauban nga gwapong mystery guy sa usa ka event sa niaging adlaw .

Giingong usa ka negosyante  ang maong lalaki, ug pabiling tak-om si Bela sa maong chika . Katapusang nauyab ni Bela mao ang Swiss-Italian nga si Norman Bay kun diin nilungtad og lima ka tuig ang  ilang relasyon.

Anne gilinyahan og movie projects

Adunay pa'y  tulo ka mga pelikula sa Viva Films ang  nakalinya alang kang   Anne Curtis  karong tuiga. Gipanglantawan nga maka-absent na pud si Anne og pipila ka mga adlaw sa noontime show nga It's Showtime gumikan sa iyang ka-busy. Kanunay nga komedyahan si Anne nga pala-absent sa maong noontime show .

Dunay mga higayon nga giingnan siya sa iyang mga kaubanan nga guest na lang siya sa maong show.