Telemedicine Service ipatuman sa probinsiya

CEBU, Philippines — Gihatagan og authorization sa ika-17th Sangguniang Panlalawigan sa Sugbo si Gobernador Pamela Baricuatro sa pagpirma sa memorandum of agreement (MOA) tali sa Department of Health -7 for Health Development (DOH-CVCHD) alang sa pormal nga pagpatuman sa Telemedicine Service sa tibuok probinsiya.

Pinaagi sa maong programa, mas mapadali na ang mga medikal nga konsultasyon, pag-monitor sa panglawas ug mga referral gamit ang modernong teknolohiya.

Tumong niini nga matubag ang dinaliang panginahanglan sa panglawas sa mga Sugboanon ilabi na sa mga tawo nga anaa sa layong dapit sa Sugbo.

Ang maong lakang subay sa programa sa Department of Health nga mapalig-on ang digital health services sa tibuok nasud pinaagi sa pakigtambayayong sa mga lokal nga kagamhanan.

Ang maong resolusyon gipangamahanan ni 2nd District Board Member Stanley Caminero. —Andriya Valerie Y. Villarino (BANAT NEWS)