P1.1 bilyon inilaan sa naapektuhan ng bagyo
MANILA, Philippines — Naglaan ang Department of Social Welfare and Development (DSWD) ng P1.1 bilyong pondo para sa kanilang disaster response at mabigyan ng tulong ang mga residenteng apektado ng bagyong Karding.
Ayon kay DSWD spokesperson Romel Lopez, ang ahensya ay nagsasagawa na ng relief efforts sa Ilocos Region, Cagayan Valley, Central Luzon, Calabarzon, Mimaropa, Bicol Region, National Capital Region (NCR), at Cordillera Administrative Region (CAR) na apektado ng naturang kalamidad.
Anya, may kabuuan namang 224,000 family food packs ang nailatag ng ahensiya sa may 194 evacuation centers na nakakanlong ang may 9,000 individuals.
Umaasa si Lopez na ang laang pondo ay magiging sapat para makatulong sa mga nangangailangan na nasalanta ni Karding.
- Latest