COVID-19 vax sites itatayo sa polling areas – DOH
MANILA, Philippines — Magtatayo ang Department of Health ng COVID-19 vaccination sites sa lahat ng polling precincts sa araw ng eleksiyon.
“Pagkatapos niyo pong bumoto maaari po kayong dumiretso dun kung wala pa kayong booster o di kaya ay kailangan pang kumpletuhin ang primary series. Ito po ay bigay ng ating pamahalaan libre para sa inyong lahat para tayo ay magkaroon ng tuluy-tuloy na proteksyon,” pahayag ni Health Undersecretary Maria Rosario Vergeire.
Una nang nagpahayag si Comelec Commissioner George Garcia na hindi dapat pagsabayin ang pagboto sa pagbabakuna.
“We have to focus sa election muna. Ibig sabihin, we have to allow our voters to vote first. Huwag na isabay sa pagboto, alam n’yo po kung bakit? Malilito po ang botante,” ani Comm. Garcia.
Inaasahan ang nasa mahigit 67 milyon ang botanteng dadagsa sa polling places sa Lunes, Mayo 9.
- Latest
