Trade, Tourism Fair inilunsad ni Legarda

MANILA, Philippines — Upang masuportahan ang kabuhayan ng mga mamamayan at mga natural wonder sa Antique, inilunsad ni senatorial candidate Loren Legarda ang isang Trade at Tourism Fair sa Old Capitol Building sa Antique.

Ayon kay Legarda, bagaman at ang Antique ay isang maliit na probinsiya na may 18 bayan pero ang bawat munisipalidad ay may kakaibang ‘features’ kabilang ang cultural at heritage landmarks, historical significance, natural wonders tulad ng rich landscape at seascape.

Ang nasabing trade at tourism fair aniya ay isang oportunidad para sa kanyang mga kababayan upang maipakita ang kanilang likas na yaman at potensiyal ng lugar bilang isang ecotourism destination na magbibigay ng trabaho at kabuhayan.

Nais din ni Legarda na madala ang local enterprise sa Manila sa pamamagitan ng National Arts and Crafts Fair, gayundin sa Department of Tourism para maimbitahan ang mga turista na bisitahin ang Antique at maipakilala ang mga produkto ng lalawigan.

Kabilang aniya sa mga maipagmamalaking produkto ng Antique ang muscovado sugar, handwoven patadyong, handmade clay pots, at handicrafts na gawa sa nito, buri, bariw, abaca at kawayan.