Presyo ng petrolyo, posibleng tumaas sa P8 sa susunod na lingo

MANILA, Philippines —  Inaasahang magkakaroon nang pagtaas na hanggang P8 kada litro ang mga presyo ng diesel at kerosene sa susunod na linggo.

Ito na ang ika-12 oil price hike na magaganap sa bansa sa loob lamang ng 13 linggo.

Batay sa pagtaya ng mga industry players, ang presyo ng diesel ay tataas ng P8 hanggang P8.15 kada litro habang sa kerosene ay madaragdagan naman ng P8.05-P8.15 kada litro.

Ang gasolina naman ang magkakaroon ng pinakamababang pagtaas ng presyo na aabot lamang sa P3 hanggang P3.15 kada litro.

Matatandaang inaasahan na ang pagtaas ng global gas prices dahil sa giyerang nagaganap sa pagitan ng mga bansang Russia at Ukraine.