VaxCertPH puwedeng magamit sa 39 bansa
MANILA, Philippines — Kinikilala ng 39 bansa ang vaccination certificate ng Pilipinas, ayon sa Department of Information and Communications Technology (DICT).
Ipinaliwanag ni DICT Acting Secretary Emmanuel Rey Caintic na naglabas ang gobyerno ng bagong bersiyon ng vaccination certificate o VaxCertPH dahil dinagdagan ang security features at isinama na rin ang data tungkol sa booster shots.
Unang inilunsad ang VaxCertPH noong Setyembre 2021 at kamakailan ay naglabas ng bagong bersiyon ang Department of Health at DICT.
Tiniyak ni Caintic na mabilis lang makukuha ang VaxCertPH na magagamit sa paglalakbay.
Kabilang sa mga bansang kumikilala sa VaxCertPH ang Canada, Amerika, Australia at iba pang malalaking bansa na kabilang sa World Health Organization.
- Latest
