Rep. Along nagpasalamat sa suporta ng mamamayan ng Caloocan
MANILA, Philippines — Pinasalamatan ni Caloocan City Rep. Along Malapitan ang mamamayan ng lungsod sa patuloy na suportang ibinibigay ng mga ito sa kanya.
Ito ay bunsod ng muling pangunguna ni Malapitan sa panibagong survey na isinagawa ng Issues and Advocacy Center (The CENTER) at inilabas nitong Nobyembre.
Sa resulta ng 5 araw na “Pulso ng Pilipino” survey na isinagawa ng The Center mula Nobyembre 16-20, nakakuha si Malapitan ng 59 percent na voter’s preference. Ito ay 35 percent na mas mataas sa 24 percent na nakuha ni Rep. Edgard Erice.
Sinabi ni Ed Malay, direktor ng The Center, masyadong malaki ang nairehistrong kalamangan ni Malapitan laban sa katunggali nitong si Erice na matunog na magkakaharap sa pambansang halalan sa Mayo 2022.
Samantala, siniguro ni Malapitan na ipagpapatuloy niya ang progresong itinanim ng kanyang amang si Mayor Oscar “Oca” Malapitan at hindi lamang aniya niya lalong pagbubutihin ang serbisyo kundi dadagdagan pa ang mga programa at proyekto sa Caloocan upang patuloy na umunlad ang kabuhayan ng mamamayan at ekonomiya ng Caloocan City.
Sa ngayon ay popular na rin ang Caloocan City bilang alternatibong lugar na pasyalan para sa mga taong ayaw lumabas ng Metro Manila. Tanyag na rin ang lungsod pagdating sa bilihan ng mga piyesa ng motorsiklo, kotse at maging ng mga trak.
- Latest