Pinas nasa ‘endgame’ na ng laban…

MANILA, Philippines — Posibleng nasa katapusan na ng laban kontra COVID-19 Delta variant ang Pilipinas dahil sa patuloy na pagbaba ng reproduction number, ayon sa OCTA Research Group.

“I think we’re at the… what we’d might call the end game of the delta variant because it’s already starting to decrease,” ayon kay OCTA member Guido David

Sinabi ni David na bumaba na sa 1.1 ang reproduction rate sa Metro Manila at mas mababa na sa zero ang growth rate sa mga nakalipas na araw.

Para maikunsidera na wala nang hawahan na nagaganap sa isang lugar, kailangang maibaba ang reproduction number sa mas mababa sa 1.0.

“We are seeing good news in Metro Manila. We’re happy to share this with everyone because as we noted, protec -ting the fourth quarter is very important and I think, with the downtrend, we are starting to see this is now becoming a rea-lity,” ayon kay David sa Pandesal Forum.

Nakikita rin umano ang kahalintulad na sitwasyon sa mga karatig-lalawigan na Cavite, Laguna, at Bulacan, ngunit patuloy naman ang pagtaas ng mga kaso sa ibang rehiyon tulad ng Region 2.
Kahalintulad umano ito ng naganap noong nakaraang Abril, makaraang magpatupad ng istriktong quarantine protocols.