Dentists, med techs bilang vaccinators lusot sa Kamara
MANILA, Philippines — Pinagtibay na sa House panel ang panukalang idagdag bilang vaccinators ang mga licensed medical technologists at rehistradong dentista sa bansa.
Ito’y naglalayong mapalakas pa ang COVID-19 vaccination program ng pamahalaan.
Inamyendahan ng House Bill (HB) 9354 ang RA 11525 o COVID-19 Vaccination Program Act of 2021 at pinagtibay ng House Committee on Health kung saan bukod sa mga doktor, nurses at trained pharmacists, idadagdag na rin sa mga vaccinators ngayong may COVID-19 pandemic ang mga dentists at medical technologists.
Naniniwala si 4th District Quezon Rep. Angelina “Helen” Tan, isa sa mga may-akda ng panukala, na mas magi-ging epektibo, maayos at mabilis ang pagroll-out ng COVID-19 vaccines sa bansa lalo’t inaasahan ang pagdating pa ng mas maraming bakuna.
Nilinaw naman ni Tan na limitado lamang ngayong may COVID-19 pandemic ang dagdag na trabaho ng mga dentista at medical tech bilang vaccinators.
Titiyaking sumaila-lim muna sila sa pagsasanay ng Department of Health (DOH) tulad ng ibang medical personnel bago isabak sa pagbabakuna.
Nilinaw din ni Tan na hindi mandatory sa mga dentista at medical tech ang pagsasagawa ng inoculation ngayong pandemya matapos na una na itong tutulan ng PRC-Board of Medical Technology ang panukala.
- Latest