Bagyo, nagbabantang pumasok sa Pinas
MANILA, Philippines — Isang malakas na bagyo na may international name na Surigae ang nagbabantang pumasok sa bansa.
Ito ay namataan ng PagAsa sa layong 1,095 kilometro silangan ng Mindanao taglay ang lakas ng hangin na umaabot sa 95 km per hour at bugso na 115 kph.
Si Surigae ay inaasahang papasok ngayong Biyernes ng umaga. Oras na pumasok sa ating bansa, ito ay tatawaging bagyong Bising.
Hindi pa direktang makakaapekto sa bansa ang bagyo.
Ayon sa PagAsa, maaaring maramdaman ang bagyo sa weekend o sa darating na araw ng Lunes.
Mababa naman ang tsansa na tumama sa lupa ang bagyo pero inaasahan na maaapektuhan nito ang southern Luzon at Visayas.
- Latest