Mass testing ng buong populasyon muling tinanggihan ni Dizon
MANILA, Philippines — Muling tinanggihan ni National Task Force Against COVID-19 deputy chief implementer at tes-ting czar Vince Dizon ang mga panawagan na magkaroon ng mass testing sa bansa dahil hindi aniya maaaring i-test ang buong populasyon.
Ayon kay Dizon, dapat sundin ng gobyerno ang mga medical journals at mga eksperto sa kalusugan na gumamit ng risk-based at targeted testing strategy sa halip na isai-lalim sa test ang lahat ng mga mamamayan.
“Wala pong 100% na test for COVID-19. Kahit na PCR po iyan, hindi po iyan 100%. Kaya po kailangan talaga ang pagti-test ay ginagamitan ng iba pang mga factors, ng assessment. Kaya iyong paulit-ulit pong sinasabi ng ating mga eksperto, kailangan ito ay risk-based at targeted,” ani Dizon.
Dapat aniyang mag-ingat sa pagsasabi na ang solusyon sa COVID-19 ay ang pagte-test ng lahat ng mga Filipino.
“Kaya mag-ingat po talaga tayo kapag sinasabi natin na ang solusyon sa COVID-19 ay i-test ang lahat ng Pilipino. Napa-kadelikado po niyan at iyan po ay hindi po talaga nirirekomenda ng mga eksperto,” ani Dizon.
Ipinaliwanag pa ni Dizon na minarapat ng mga eksperto na magdagdag ng antigen test sa NCR Plus kasama ang Pampanga at Batangas upang matulu-ngan ang mga laboratoryo ng Philippine Red Cross dahil tinatamaan din ng COVID-19 ang mga med-tech.
Related video:
- Latest
