Pagbubukas ng sinehan idinepensa ng Palasyo
MANILA, Philippines — Ipinagtanggol ng Malakanyang ang desisyon ng Inter-agency Task Force (IATF) sa pagbubukas muli ng sinehan at iba pang negosyo sa bansa.
Sinabi ni Presidential spokesman Harry Roque, nauunawaan niya ang nasabing desisyon dahil talagang pinag-iisipan na rin ng Pangulo kung paano makakabangon ang ekonomiya.
Paliwanag pa ni Roque, lumalabas na sa buong mundo, isa ang Pilipinas sa pinakamabagal na makakabangon dahil parang napakahaba at napakatagal na ng lockdown na ipinapatupad.
Matatandaan na simula noong Marso ng nakaraang taon ay nagsimulang mag-lockdown ang bansa.
Idinagdag pa niya na posible ang pagbangon ng ekonomiya ng bansa kahit na may pandemya dahil alam na ng mga Filipino kung papaano nito poprotektahan ang sarili.
Napapanahon na rin umano ito dahil parang naka develop na rin ng disiplina ang mga Pinoy.
Sa kasalukuyan, 50% na ng mga negosyo ang pinahintulutang magbukas sa mga lugar na nasa GCQ habang 75% naman sa MGCQ.
- Latest
