120 bisita lang sa PMA Homecoming – Magalong
MANILA, Philippines — Iminungkahi ni Baguio City Mayor Benjamin Magalong sa Philippine Military Academy (PMA) na hanggang 120 bisita lamang ang kanilang tatanggapin sa Alumni Homecoming ng akademya sa Pebrero 12-14.
Ayon kay Magalong, na alumnus din ng PMA, mahigit 4,000-5,000 alumni kasama ang mga pamilya at bisita ang regular na nakikibahagi sa taunang homecoming.
Pero dahil sa pandemya at tuluyang pamamayagpag pa rin ng COVID-19, kinakailangang limitahan aniya ang mga taong dadalo upang mapigilan ang pagkalat pa lalo ng sakit.
Nauna nang hiniling ni Magalong na hanggang 300 lamang ang maaaring payagan sa pagtitipon ngunit napagtanto nito na babaan pa ang bilang sa 120 na mas madaling i-manage para sa physical distancing.
Pinabuksan na rin ng alkalde ang Kennon Road pansamantala sa lahat mula Pebrero 12-14, 2021.
- Latest
