Pfizer posibleng mauna sa Sinovac – Galvez
MANILA, Philippines — Posibleng maunang dumating sa bansa ang COVID-19 vaccine na gawa ng Pfizer kaysa sa Sinovac ng China.
“Baka mauna ang Pfizer because the COVAX facility will be deploying the early rollout of Pfizer, so iintayin din namin ‘yun sa February,” ayon kay Vaccine Czar Carlito Galvez Jr.
Sabi ni Galvez, kukuha ang Pilipinas ng 100 milyong doses ng COVID-19 vaccine sa susunod na linggo.
Sinabi rin niya na 20 milyong mamamayan ang makikinabang kapag dumating na ang bakuna na ipamimigay ng libre.
Samantala, nagpahayag din ng kahandaan si Galvez na magpapabakuna kaagad kahit pa anong bakuna ang maunang dumating sa bansa.
Nais ni Galvez na ipakita sa mga mamamayan na ligtas ang bakuna na kinuha ng Pilipinas.
“Sa akin nga po kung ano ang mauna na vaccine, I will volunteer na I will be the first one to take it to show to the public na talagang very safe yung mga vaccine na kinukuha natin,” ani Galvez.
- Latest
