Bagong COVID-19 variant inaalam kung nasa Pinas na

MANILA, Philippines — Nagsasagawa ngayon ng pana­naliksik ang Philippine Genome Center, Research Institute for Tropical Medicine (RITM) at ang National Institutes for Health upang mabatid kung nakarating na sa Pilipinas ang bagong variant ng COVID-19 na nagmula sa United Kingdom.

Sinabi ni Dr. Cynthia Saloma, executive director ng Philippine Genome Center na inaasahang lalabas ang resulta ng kanilang pag-aaral matapos ang dalawang linggo kung saan malalaman kung nakarating na sa atin ang bagong variant ng virus.

Nagsasagawa umano sila ng ‘gene sequencing samples’ ng mga pasyenteng nagpositibo sa virus at naospital nitong Nobyembre at Disyembre ma-ging mga biyahero na nagpositibo.

Sa kabila nito, maagang nagbabala si Saloma ng ibayo pang pag-iingat dahil sa 70 porsyento na mas madaling makahawa umano ang naturang variant ng virus.  Ngunit nilinaw rin niya na hindi ‘highly virulent’ o hindi malala ang mga sintomas na nararamdaman ng mga pasyenteng nakakakuha nito.

Kailangang palakasin pa umano lalo ang kontrol sa mga borders ng bansa para hindi makapasok ang naturang ‘mutated virus’.