2021 national budget lalagdaan ni Duterte sa Disyembre 28
MANILA, Philippines — Nakatakdang lagdaan ni Pangulong Rodrigo Duterte sa Disyembre 28 sa Davao City ang panukalang P4.506-trilyon national budget para sa 2021.
Ayon kay Presidential spokesperson Harry Roque, makakasama ng Pangulo sa nasabing araw ang ilan sa mga mambabatas.
Noong Biyernes natanggap ng Malacañang ang kopya ng panukalang pambansang pondo.
Matatandaan na tiniyak ng Malacañang na bubusisiin ang panukala at gagamitin ng Pangulo ang kapangyarihan na i-veto ang ilang bahagi kung kinakailngan.
Nakapaloob sa panukalang national budget ang P72.5 bilyon na ilalaan sa pagbili ng bakuna para sa COVID-19.
Ang 10 ahensiya ng gobyerno na makakatanggap ng pinakamalaking alokasyon sa 2021 ay Education (kabilang ang DepEd, SUCs, CHED, TESDA), P708.2 bilyon; DPWH, P694.8 bilyon; DOH (kabilang ang PhilHealth, COVID-19 vaccines), P287.5 bilyon; DILG, P247.5 bilyon; Defense, P205.5 bilyon; DSWD, P176.7 bilyon; Transportation, P87.4 bilyon; Agriculture, P68.6 bilyon; Judiciary, P44.1 bilyon; DOLE, P36.6 bilyon.
- Latest