4 sa 5 Pinoy naghirap sa nagdaang 12 buwan - SWS
MANILA, Philippines — Apat sa limang Pinoy ang naniniwala na lumala ang kalidad ng kanilang pamumuhay sa nakalipas na 12 buwan.
Batay sa survey ng Social Weather Stations (SWS) na ginawa mula Setyembre 17-20, 82% ng mga adult Filipinos ang nagsabi na ang kalidad ng kanilang pamumuhay ay lumala, na ginamitan ng terminong “losers” ng SWS, kumpara sa nakalipas na isang taon.
Nasa 6% naman ang naniniwala na gumanda ang lagay ng kanilang pamumuhay o ginamitan ng terminong “gainers” habang nasa 11% ang walang nagbago ang pamumuhay.
Ayon sa SWS, ang naturang September 2020 score ay kabilang sa ‘worst trends’ sa kasaysayan ng survey, matapos na maitala sa -78 noong Mayo at -72 noong Hulyo dahil sa coronavirus crisis.
Lahat ng areas ay nakaranas nang pagbaba ng net gainers scores at may “catastrophic” figures na -80 sa Visayas, -76 sa Metro Manila, -75 sa Balance Luzon at -74 sa Mindanao.
- Latest
