Pambili ng COVID-19 vaccine, inihahanda na ni Duterte
MANILA, Philippines — Naghahanap na si Pangulong Rodrigo Duterte nang mapagkukunan ng pondo upang ipambili ng COVID-19 vaccine sakaling madiskubre na ito.
Ayon sa Pangulo, marami ng bansa ang naghahabulan para madiskubre ang vaccine at kailangang may pondo ang gobyerno upang makabili nito.
“Many countries are on the verge of --- lumalapit na sila, malapit na sila sa vaccine. Naghahabulan. But from the --- judging from the time the COVID started up to now, I’m sure that they have made a lot of progress in finding the vaccine. Nakahanap na sila. Kailangan may pera ako niyan kasi bili kaagad tayo,” sabi ni Duterte.
Nauna rito, sinabi ng Pangulo na hindi mawawala ang COVID-19 hanggat walang nadidiskubreng bakuna.
Maaari naman anyang mangutang ang gobyerno kapag madiskubre na ang vaccine.
Samantala, sinabi naman ni Presidential Spokesperson Harry Roque na kapag nadiskubre na ang vaccine, ang mga kaya namang magbayad ay dapat lamang magbayad pero maaari namang sagutin din ng PhilHealth.
- Latest
