Kaso ng riding-in-tandem criminals isinisi sa LTO

MANILA, Philippines — Ibinunton kahapon ng isang Kongresista ang sisi sa kawalan ng sistema ng Land Transportation Office (LTO) kaya tumataas ang mga insidente ng riding-in-tandem na mga kriminal dahil ang mga motorsiklo na ginagamit ng mga ito ay mga walang plaka o yaong temporary plate.

“It would be easy for motorcycle-riding criminals to evade capture considering that they cannot be easily identified through their plate numbers because most of them have none or have improvised plates,” pahayag ni  ACT-CIS Partylist Rep. Niña Taduran.

Sinabi ng Kongresista na ang sitwasyon ng ‘no plate ‘ ang nagpapahirap sa PNP para tugisin at panagutin sa batas ang mga behikulong walang plaka na nasasangkot sa krimen.

Binigyang diin pa ng mambabatas na dapat managot ang mga opisyal ng LTO na dahilan sa kabagalan at kawalan ng sistema ay pinalalala ang problema sa riding in tandem.

“Taking people’s money and not being able to deliver the plates the people paid for is like stealing,” punto pa ng Kongresista.